أنا ملاكها الصغير
+++
النهاردة يوم جديد مختلف
زي دلوقتي أنا كنت لسه في بطن مامي وما حدش عارف هاجي الدنيا أمتى
ماحدش عارف هكون أمور ولا شكلي مش حلو
ماحدش عارف هكون طخين ولا رفيع
ولا مؤدب ولا مش مؤدب
كنت لغز محير الجميع
كنت حلم بتحلم بيه مامتي 9 شهور
بتتكلم معاه وتفهمه وتحضر عشانة دنيا جميلة
كنت مستمتع بالدنيا بتاعتي ببيتي الصغير
باكل وأشرب ومش نايم ليل نهار زي ما بعضكم فاكرين
لا أنا كنت بسمع مامتي وبحب صوتها
وعايش حياتها بسمع الموسيقى اللي بتحبها واسمع القصص اللي بتقراها
كنت سعيد معاها أنا وهي في عالم جميل
وفجأة في لحظة حصل زلزال
كل دا أتغير وأخدني الطوفان خرجني لدنيا غريبة
ادا لا انا عايز اكون في بيتي الجميل
لكن خلاص فات الوقت
انا بقيت وسط أشكال كتير
أدا حبه لابسين ابيض زي الملايكة اللي كانوا بيغنوا
مع مامتي عشان أنام
وحبة عمالين يحركوا صوابعهم ويضحكوا وشكلهم عبيط
انا ماليش دعوه انا عايز مامتي
ببص عليها مش لاقيها وطال أنتظاري
وأنا مع الناس اللي مش طبيعين
هفضل كدة كتير طب انادي لها بقى احسن دي أتاخرت كتير
فضلت انادي وانادي وحنجرتي وجعتني
وميه سخنه نازله من عينيا
وما خبيش عليكم الميه دي نزلت من اماكن كتير
ـــــــــــــــــــــــــــــــــــــــــــــــــــــــــ
الحقيني يامامي
هنجهز العيش والكبدة ونجي نزورك في السجن صاحبي التاني قال نفسه يبقي غني بأي طريقة كل الشلة صرخوا فيه هو انت ناقص كفاية اللي عندكم قالهم لا انا لازم احقق ذاتي حتي ولو عملت اي مخاطرة لازم اثبت لدادي اني ماشي علي خطه واحنا قاعدين نتكلم قالت صاحبتنا توتي اقرب طريق لتحقيق السعادة هو البانجو زهقت من صحابي ومن كلامهم العجيب حسيت اني قاعد في وسطهم غلط ومشيت وسبت أصحابي الحلوين يكملوا كلامهم ومشيت عشان اتكلم شوية مع المدرب بتاعي لقيت المدرب واقف مع بنت زميلتي في القاعة المغطاة لوحدهم وكمان بيشربوا سجاير ما عجبنيش المنظر وكمان الريحة وكمان ارتباكهم ضايقني فشاورت للمدرب وخرجت روحت البيت زعلان وقرفان ومش هقول اتكلمت مع مامتي عشان دكتور حمد عايزني اتفطم لكن في اليوم دا اتكلمت مع جدي سألته عن اصحابه وعن ايامه حكي لي حاجات جميلة خلت 
حق الاطفال